Azərbaycan velosipedçisi Mərakeşdə ikinci olub

Azərbaycan velosipedçisi Mərakeşdə ikinci olub
  • Clock-gray 09:32
  • calendar-gray 25 İyul 2019

Şose velosipedi üzrə Elit yığma komandamızın lideri Elçin Əsədov Mərakeşdə mötəbər birgünlük yarışda uğur əldə edib. 

APA-nın məlumatına görə, UCI-nın 1,2 kateqoriyalı “Challenge du Prince - Trophée de l'Anniversaire” turunda 146 km məsafəni 2-ci yerdə başa vuran velosipedçimiz bununla da ölkəmizin reytinqinə Tokio-2020 Yay Olimpiya Oyunları üçün 30 reytinq xalı qazandırıb.
 
E. Əsədov 2 gün əvvəl Mərakeşdə təşkil edilən digər birgünlük “Challenge du Prince - Trophée Princier” turunda 9-cu olmaqla daha 3 lisenziya xalı əldə etmişdi.
 
Mərakeşə Elçin Əsədovdan başqa, U-23 yığmamızın üzvləri Mikayıl Səfərli ilə Mahmud Məmmədov da yollanıb və onların əsas vəzifəsi millimizin liderinin uğurlu çıxışına yardım etməkdir.
 
Komandamız iyulun 25-də sonuncu birgünlük yarış - “Challenge du Prince - Trophée de la Maison Royale” turunda iştirak etdikdən sonra Vətənə qayıdacaq.

apa-logo-mini

Digər xəbərlər

Arxiv

date