Rusiyanın idman naziri: “Azərbaycan İslam Həmrəyliyi Oyunlarını da yüksək səviyyədə keçirdi”

Rusiyanın idman naziri: “Azərbaycan İslam Həmrəyliyi Oyunlarını da yüksək səviyyədə keçirdi”
  • Clock-gray 11:32
  • calendar-gray 02 İyun 2017

“Azərbaycan ilk Avropa Oyunları kimi İslam Həmrəyliyi Oyunlarını da yüksək səviyyədə keçirdi”.

 

Bunu APA-nın Moskva müxbirinə açıqlamasında Rusiya Federasiyasının idman naziri Pavel Kolobkov bildirib. Nazir deyib ki, Azərbaycan bu miqyasda idman yarışları keçirdiyinə görə ən böyük diqqətə və qiymətə layiqdir: “Həm Avropa Oyunları, həm də islam Həmrəyliyi Oyunları yüksək səviyyədə keçirildi. Oyunların səviyyəsi, təşkilatçılıq ən yüksək qiymətə layiqdir”.
 

Rusiya və Azərbaycan arasında idman sahəsində əməkdaşlığa toxunan P. Kolobkov Azərbaycanın bu sahədə Rusiyaya verdiyi dəstəyi xatırladıb: “Rusiyalı idmançılara Beynəlxalq Olimpiya Komitəsi tərəfindən sanksiyalar tətbiq edilən zaman Azərbaycan bizim idmançılara dəstək verdi. Bunu təbii ki, biz heç vaxt unutmuruq. Azərbaycanın bu addımını yüksək qiymətləndiririk”.


P. Kolobkov Rusiya və Azərbaycan idman nazirlikləri arasındakı münasibətlərdən də danışıb. O, iki ölkənin müvafiq nazirlikləri arasında işgüzar əlaqələrin yüksək səviyyədə olduğunu söyləyib.
 

Fərid Əkbərov

Digər xəbərlər

Arxiv

date