Bu ilin yanvar-iyun aylarında Azərbaycanda dəniz nəqliyyatı ilə daşınmış yüklərin həcmi 3 052,3 min ton təşkil edib ki, bu da əvvəlki ilin müvafiq dövrünə nisbətən 28,9% azadır.
“APA-Economics”in Dövlət Statistika Komitəsinə istinadən verdiyi məlumata görə, hesabat dövründə yüklərin 33,7%-ni neft yükləri təşkil edib.
Dəniz limanları tərəfindən 3 997,6 min ton həcmində yükləmə-boşaltma işləri həyata keçirilib və yüklərin 3 663,3 min tonunu və ya 91,6%-ni tranzit yüklər təşkil edib.
Bu il iyul ayının 1-i vəziyyətinə limanlarda qalan yüklərin həcmi 119,5 min ton olub. Dövr ərzində bu nəqliyyat növü ilə daşınmış sərnişinlərin sayı 2018-ci ilin müvafiq dövrünə nisbətən 20,3% artaraq 8,9 min nəfər olub.