Maliyyə

Ana səhifə

Maliyyə

Azərbaycanda fəaliyyət göstərən bankların aktivlər üzrə renkinqi

03 noyabr 2008 15:03 (UTC +04:00)

Bakı. Elnur Hüseynquluyev – APA-Economics. Bu gündən etibarən «APA-Economics» Azərbaycanda fəaliyyət göstərən bank kredit təşkilatlarının 2008-ci ilin oktyabr ayının 1-nə olan müxtəlif maliyyə göstəriciləri üzrə renkinqlərinin hazırlanmasına başlayır. Layihənin əsas məqsədi Azərbaycandakı bankların maliyyə-təsərrüfat fəaliyyəti və onun nəticələri haqqında ictimaiyyətin və potensial investorların məlumatlandırılmasıdır.
Layihənin ilk komponenti bankların aktivlər üzrə renkinqinin tərtib olunmasıdır. Aşağıdakı cədvəldə ölkədəki banklar 2008-ci il oktyabr ayının 1-nə olan aktivlərinin həcminə görə sıralanıb:

(mln. AZN)

Banklar		Aktivlər
1	Azərbaycan Beynəlxalq Bankı	4 208,654
2	Bank Standard	660,816
3	UniBank	467,235
4	Texnikabank	439,645
5	Kapital Bank	422,448
6	Bank Respublika	405,084
7	Xalg Bank	379,752
8	Nikoil Bank	337,499
9	Azerdemiryolbank	226,600
10	AGBank	217,293
11	AccessBank	187,532
12	Bank of Baku	185,149
13	Paşa Bank	183,152
14	AtaBank	134,586
15	Zamin Bank	118,776
16	Bank of Azerbaijan	110,384
17	Yapı Kredi Bank Azerbaijan	108,775
18	Royal Bank of Baku	100,473
19	Rabitabank	96,571
20	Muğan Bank	91,851
21	Turanbank	86,100
22	Azərbaycan Sənaye Bankı	75,541
23	Əmrahbank	65,073
24	Parabank	62,100
25	Bank Avrasiya	51,094
26	Birlik Bank	42,246
27	Azər-Türk Bank	42,032
28	NBCBank	37,414
29	Atrabank	34,093
30	United Credit Bank	33,514
31	Qafqaz İnkişaf Bankı	33,232
32	Debut Bank	32,797
33	Kredo Bank	29,573
34	Gəncəbank	29,544
35	Deka Bank	27,414
36	Günaybank	26,720
37	Azərbaycan Kredit Bankı	26,103
38	Melli İran Bankı Bakı	18,520

* «AccsesBank» 2002-ci ilin oktyabr ayından Azərbaycan Mikromaliyyəşəldirmə Bankı kimi fəaliyyət göstərib. Bu ilin sentyabr ayının 8-də bankın brendi dəyişdirilib.

Cədvəldən göründüyü kimi, hazırda Azərbaycanda faktiki olaraq 45 bank kredit təşkilatı fəaliyyət göstərsə də, «APA-Economics»in renkinqində yalnız 38 bankın aktivləri əks olunub. Bu, digər bankların KİV-lə əməkdaşlıqdan imtina etməsi, maliyyə göstəricilərini təqdim etməməsi və digər subyektiv səbəblərlə bağlıdır.
Aktivlərin renkinqinə gəldikdə isə, gözlənildiyi kimi, ilk yeri Azərbaycan və regionun ən iri bank təşkilatı olan Azərbaycan Beynəlxalq Bankı (ABB) tutub. Əsasən dövlət mülkiyyətində (50,2%) olan bu bankın aktivlərinin durmadan artması bankın inkişafı, filial şəbəkəsinin geniş olması, əsas dövlət qurumlarına xidmət göstərməsi və s. obyektiv səbəblərlə əsaslandırılır. Bu gün Azərbaycanda yalnız ABB-nin aktivlərinin həcmi milyard manatla (təqribən 5,204 mlrd. ABŞ dolları) ölçülür.
Cədvəldən göründüyü kimi, yalnız 10 bankın aktivlərinin həcmi 200 mln. manat (01.10.2008-ci il vəziyyətinə - 247,280 mln. ABŞ dolları), 18 bankın aktivləri - 100 mln. manat həddini (123,640 mln. ABŞ dolları), daha 7 bankın aktivlərinin həcmi isə 50 mln. manat (61,820 mln. ABŞ dolları) həddini üstələyib.