May ayında ABŞ-da inflyasiya illik müqayisədə 8,6 faizə yüksələrək bazar gözləntilərini üstələyib.
“APA-Economics” CNN TÜRK-ə istinadən xəbər verir ki, bazar gözləntisi may ayında ABŞ-da inflyasiyanın 8,3 faiz olacağı yönündə idi. Belə ki, aprel ayında ABŞ-da inflyasiya yüzdə 8,3 faiz olduğu halda mart ayı inflyasiyası 40 ilin zirvəsinə yüksələrək 8,5 faizə çatıb.
ABŞ-ın inflyasiya məlumatları ABŞ Federal Ehtiyat Sisteminin (FED) sərtləşdirmə siyasətinin sürətində müəyyənedici amil ola biləcəyi üçün kritik əhəmiyyət kəsb edir. FED-in pul siyasətini təyin edən Federal Açıq Bazar Komitəsinin (FOMC) iclası 14-15 iyun tarixlərində baş tutacaq. Bazar bu görüşdən 50 bəndlik faiz artımı gözləyir.
Görüşdən sonra veriləcək mesajlar və FED sədri Jerome Powellin açıqlamaları diqqətlə izlənəcək.