Avropa Yenidənqurma və İnkişaf Bankı (AYİB) "Xəzər Dəniz Gəmiçiliyi" QSC-nin yenidən qurulmasına 100 milyon dollar kredit ayırıb.
"APA-Economics"in əldə etdiyi xəbərə görə, bu, bu gün Xəzər Dəniz Gəmiçiliyi, Azərbaycan İnvestisiya Holdinqi və AYİB arasında imzalanan müqavilədə (mandat məktubu) əksini tapıb.
Müqaviləni Azərbaycan tərəfdən "Xəzər Dəniz Gəmiçiliyi" QSC-nin sədri Rauf Vəliyev, Azərbaycan İnvestisiya Holdinqinin Baş icraçı direktoru Ruslan Əlixanov və AYİB-in Davamlı İnvestisiya Bölməsinin İcraçı Direktoru Nandita Parşad imzalayıblar.