Bu ilin yanvar-noyabr ayında xarici vətəndaşların bank kartları vasitəsi ilə Azərbaycanda apardıqları əməliyyatların həcmi 1,112 mln. manat təşkil edib.
İqtisadi İslahatların Təhlili və Kommunikasiya Mərkəzindən “APA-Economics”ə verilən məlumata görə, bu göstərici ötən ilin müvafiq dövrü ilə müqayisədə 2,7 dəfədən çox artıb.
Cari ilin noyabr ayında isə əcnəbilər bank kartları vasitəsi ilə 151,1 mln. manatlıq əməliyyat aparıblar ki, bu da oktyabr ayı ilə müqayisədə 21,4% çoxdur.