“MFX Trading İnvestisiya Şirkəti” 2022-ci il üzrə maliyyə hesabatlarını açıqlayıb.
“APA-Economics” investisiya şirkətinin maliyyə hesabatlarına istinadən xəbər verir ki, 2022-ci ildə “MFX Trading İnvestisiya Şirkəti” 304 min 120 manat zərər edib. 2021-ci ildə şirkət 217 min 770 manat zərər açıqlamışdı.
Hesabat dövründə investisiya şirkəti cəmi 22 manat gəlir əldə edib. 2021-ci ildə şirkətin ümumi gəlirləri 21 min 552 manata bərabər idi. Ötən il şirkətin ümumi və inzibati xərcləri isə 304 min 142 manat təşkil etdiyindən, təşkilat 304 min 120 manat əməliyyat zərəri ilə üzləşib.
Ötən il investisiya şirkəti kiçilib. Belə ki, “MFX Trading İnvestisiya Şirkəti” cəmi aktivləri 23% və ya 115.4 min manat azalaraq 387 min 763 manat təşkil edib.
2023-cü ilin yanvar ayının 1-nə şirkətin cəmi kapitalı 194 min 684 manat olub ki, bu da illik müqayisədə 2.6 dəfə azdır.
Qeyd edək ki, şirkətin 304 min 120 manat olan zərəri nizamnamə kapitalı hesabına ödənilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
