Azərbaycanda maliyyə texnologiyalarının tətbiqi, rəqəmsal bankçılıq ekosisteminin formalaşdırılması və bununla da maliyyə-bank xidmətlərinə çıxış imkanlarının genişləndirilməsi istiqamətində aparılan işlər çərçivəsində "Maliyyə texnologiyalarının tətbiqi üzrə yol xəritəsi"nin hazırlanması nəzərdə tutulub.
"APA-Economics"in Azərbaycan Mərkəzi Bankına (AMB) istinadən verdiyi məlumata görə, "Yol xəritəsi"nin Böyük Britaniyanın Azərbaycandakı səfirliyinin dəstəyi ilə "TheCityUK" təşkilatının texniki yardımı ilə hazırlanması planlaşdırılıb.
Bu məqsədlə Böyük Britaniya və Şimali İrlandiya Birləşmiş Krallığının ölkədəki fövqəladə və səlahiyyətli səfiri cənab Ceyms Layl Şarpın iştirakı ilə AMB, Azərbaycan Banklar və FinTex Assosiasiyaları, həmçinin "TheCityUK" təşkilatının ekspertləri arasında 17 yanvar 2022-ci il tarixində layihənin ilk görüşü keçirilmiş və fəaliyyət istiqamətləri müzakirə edilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
