"Azərsu" ASC Bakı şəhəri üzrə su təchizatı və kanalizasiya sisteminin bir hissəsinin yenidən qurulması işlərinin satın alınması üzrə tenderə yekun vurub.
“APA-Economics” dövlət vahid elektron satınalmalar portalına istinadən xəbər verir ki, tenderin qalibi “Arko Təmir Tikinti Şirkəti” MMC seçilib.
Müqavilənin ümumi dəyəri 5,115 milyon manatdır. Qeyd edək ki, şirkət 2025-ci ilin sonuna kimi müqavilə üzrə su təchizatı və kanalizasiya sisteminin yenilənməsi ilə bağlı işləri başa çatdırmalıdır.