Maliyyə

Ana səhifə

Maliyyə

Bakı sakinlərinə "Paytaxt" salatı neçəyə başa gələcək?

29 dekabr 2021 16:00 (UTC +04:00)

"APA-Economics" dekabr ayının sonuna Bakı şəhəri üzrə "Paytaxt" salatı indeksini hesablayıb

Qarşıdan gələn Yeni il bayramında "Paytaxt" salatı Bakı sakinlərinə orta hesabla 10,11 manata başa gələcək.

"APA-Economics"in bazardakı qiymətlər və salatın inqrediyentləri əsasında apardığı hesablamalara görə, standart 4-5 nəfərlik ailəyə növbəti günə qalmaq şərti ilə hazırlanan "Paytaxt" salatının xam çəkisi təxminən 2,5-2,7 kq olacaq və bu həcmdə salatın qiyməti 10,11 manat təşkil edəcək. Bu, dekabr ayının əvvəli ilə müqayisədə 1,8% azdır.

"Paytaxt" salatının inqrediyentlərinə gəldikdə, standart reseptə turşu xiyar (2 ədəd – 300 q), təzə xiyar (2 ədəd – 300 q), yaşıl noxud (1 banka – 300-400 q), mayonez (1 banka – 350-400 ml), kartof (500 q), kök (400 q), yumurta (4 ədəd – 200 q), toyuq filesi (300 q), şüyüd (1 dəstə) daxildir.

Ayrı-ayrı malların qiymətlərinə gəldikdə, salatın ən bahalı inqrediyentləri toyuq filesi (300 q – 2,3 manat), yaşıl noxud (300-400 qramlıq banka 2,1 manata) və mayonezdir (400 ml banka və ya paket – 2,23 manat), ən ucuz isə şüyüd (dəstəsi 0,2 manat) başa gələcək.

Qiymət artımlarına gəldikdə, aylıq müqayisədə yumurta və şüyüdün qiyməti dəyişməyib qalıb. Təzə xiyarın qiymətində isə kəskin artım baş verib (42,4%). Yeni il qabağı mağazaların təklif etdiyi endirimlər fonunda yaşıl noxud və mayonezin ortalama qiymətləri müvafiq olaraq 11,3% və 5,5% enib.

Beləliklə, Azərbaycanda "Paytaxt" salatı indeksi aylıq müqayisədə 1,8% azalıb.

İnqrediyentlər	Qiymət	Aylıq inflyasiya	Miqdar	Dəyər
Turşu xiyar	1 kq – 2,4 ₼	-2,4%	300 q	0,72 ₼
Yaşıl noxud	1 banka – 2,08 ₼	-11,3%	300-400 q	2,08 ₼
Kartof	1 kq – 1,34 ₼	-4,3%	500 q	0,67 ₼
Kök	1 kq – 0,9 ₼	-10%	400 q	0,36 ₼
Yumurta	1 ədəd – 0,17 ₼	0%	4 ədəd	0,68 ₼
Toyuq filesi	1 kq – 7,6 ₼	1,3%	300 q	2,28 ₼
Mayonez	1 banka – 2,23 ₼	-5,5%	350-400 ml	2,23 ₼
Təzə xiyar	1 kq – 2,99 ₼	42,4%	300 q	0,90 ₼
Şüyüd	1 dəstə – 0,20 ₼	0,%	1 ədəd	0,20 ₼
Ümumi		-1,8%	2,7 kq	10,11 ₼