Bu il büdcəyə 19 milyon manatdan çox vəsait bərpa edilib

Bu il büdcəyə 19 milyon manatdan çox vəsait bərpa edilib
# 21 iyul 2022 14:14 (UTC +04:00)

2022-ci ilin İş planı üzrə başa çatdırılmış kənar dövlət maliyyə nəzarəti (KDMN) tədbirlərinin nəticələri əsasında qəbul edilmiş Kollegiya qərarlarına əsasən pul, əvəzləşmə və natura ifadəsində cəmi 16,4 mln. manat məbləğində vəsaitin bərpası təmin edilib.

APA xəbər verir ki, bu, Hesablama Palatasının 2022-ci ilin altı ayı üzrə fəaliyyətinə dair məlumatında əksini tapıb.

Qeyd edilib ki, 6,5 mln. manat məbləğində müvafiq obyektin investor smeta dəyərinin azaldılması, 6,9 mln. manat məbləğində debitor borcun bağlanılması ilə bağlı tədbirlər müəyyən edilib.

Hesabat dövründə qanunvericilikdə qeyd edilmiş müddətlər nəzərə alınmaqla Kollegiya Qərarları üzrə müəyyən edilmiş məbləğin 80,4%-nin bərpası təmin edilib.

Eyni zamanda hesabat dövründə də əvvəlki illərdə başa çatdırılmış nəzarət tədbirlərinin nəticələri üzrə qurumlar tərəfindən atılmış addımların icrasının izlənilməsi (follow-up) diqqətdə saxlanılmış, əvvəlki illərin nəzarət tədbirləri üzrə 2022-ci ilin ilk 6 ayında pul, natura və əvəzləşdirmə formasında 2,7 mln. manat vəsaitin bərpası təmin edilib. Bundan əlavə, 943,4 min manat məbləğində debitor borc bağlanılmış və ya ləğv edilmiş, maliyyə hesabatlarında və uçotunda aşkar edilmiş təhriflərlə bağlı aidiyyəti düzəlişlər edilməklə 681,7 mln. manat hesabatlarda əks etdirilmiş, vergi bəyannamələrində dəqiqləşmələr aparılmış, intizam tənbeh tədbirləri tətbiq edilib. Eləcə də strukturun optimallaşdırılması ilə bağlı tədbirlər keçirilib.

#
#

ƏMƏLİYYAT İCRA OLUNUR