Beynəlxalq Valyuta Fondu (BVF) bu il Azərbaycanın tədiyə balansının cari əməliyyatlar hesabında ÜDM-in 37,2%-i həcmində profisit gözləyir.
"APA-Economics"in fondun "World Economıc Outlook" hesabatının aprel buraxılışına istinadən verdiyi məlumata görə, 2023-cü ildə bu göstəricinin ÜDM-in 28,5%-nə qədər daralacağı proqnozlaşdırılır.
Qeyd edək ki, Asiya İnkişaf Bankının son proqnozlarına görə, bu il ölkənin cari hesabının profisitinin ÜDM-də xüsusi çəkisi 20,2%-dək artacaq. Dünya Bankının proqnozuna görə isə bu göstərici ÜDM-in 23%-nə qədər çatacaq.
Xatırladaq ki, 2021-ci ildə Azərbaycanın cari əməliyyatlar hesabının profisiti 8,292 mlrd. ABŞ dolları və ya ÜDM-in 15,2%-ni təşkil edib. Neft-qaz sektoru üzrə cari əməliyyatlar hesabının profisiti ötən ilə nəzərən 2,8 dəfə artaraq 14 mlrd. dollar, qeyri-neft sektoru üzrə cari əməliyyatlar hesabının kəsiri isə 7,7% artaraq 5,7 mlrd. dollar məbləğində olub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
