2022-ci ildə daşınmaz əmlakın icbari sığortası ilə bağlı yığımların həcmi 53 mln. 979 min manat olub.
“APA-Economics” Mərkəzi Banka istinadən xəbər verir ki, 2022-ci ildə bu sığorta növü üzrə yığımlar 15.8% və ya 8 mln. 522 min manat azalıb.
Halbuki, 2021-ci ildə daşınmaz əmlakın icbari sığortasından 62 mln. 502 min manat sığorta haqqı toplanıb.
Bu dövrdə daşınmaz əmlakın icbari sığortası üzrə ödənişlərin həcmi 1 mln. 95 min manat olub ki, bu da əvvəlki dövrlə müqayisədə 75% və ya 823.9 min manat azalma deməkdir. 2021-ci ildə bu sığorta növü üzrə ödənişlərin həcmi 1 mln. 919 min manata bərabər olub.
Sığorta yığımları ilə yanaşı ödənişlərinin azalması sığorta zərərliliyinin azalmasına səbəb olub. Belə ki, 2021-ci ildə sığorta zərərliliyi 3% olduğu halda, 2022-ci ildə bu göstərici 2%-ə bərabər olub.
Şükran Məmmədov