Pandemiyadan zərər çəkmiş sahələrə dövlət zəmanəti ilə kreditlərin verilməsi üzrə 30 iyun 2020-ci il tarixindən 31 dekabr 2021-ci il tarixinədək 500 mln. manat bank kreditindən 300 mln. manatadək kreditə dövlət zəmanətinin verilməsi, eyni zamanda kreditlər üzrə faiz xərclərinin 10 faiz bəndinədək dövlət tərəfindən subsidiyalaşdırılması nəzərdə tutulub.
"APA-Economics" xəbər verir ki, bunu Sahibkarlığın İnkişafı Fondunun İdarə Heyəti sədrinin vəzifələrini icra edən Osman Xaliyev Fondun fəaliyyətinin 2021-ci ilin yekunlarına dair mətbuat konfransında çıxış edərkən deyib.
Onun sözlərinə görə, proqram çərçivəsində dövlət zəmanətli kreditlərin əldə edilməsi üçün ümumi kredit tələbatı 1,7 mlrd. manat olan 6 940 müraciət daxil olub.
"Daxil olan müraciətlərdən 2 630 müraciət üzrə 499,8 mln. manat zəmanətli kredit verilib. Verilən kreditlərin sayı üzrə 99,4%, məbləğ üzrə 91,7% sahibkarlıq subyektlərinin payına düşüb", - deyə O. Xaliyev qeyd edib.
O, həmçinin, əlavə edib ki, 31 dekabr 2021-ci il tarixə ödənilən subsidiyaların məbləği 15,3 mln. manat təşkil edib.
"Subsidiyaların ödənişi kreditlərin müddəti ərzində davam etdiriləcək və ümumi proqnozlaşdırılan subsidiya ödənişi 55 mln. manat üzərində olacaq", - deyə O. Xaliyev əlavə edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
