2022-ci il yanvarın 1-dən etibarən Ermənistan məhsulları güzəştli şərtlərlə Avropa İttifaqı (Aİ) ölkələrinə ixrac oluna bilməyəcək.
APA-nın “Berlin Economics” tədqiqat mərkəzinə istinadən verdiyi xəbərə görə, buna səbəb Ermənistanın Aİ-nin Ümumi Preferensiya Sistemindən (GSP+) çıxarılmasıdır.
Bu sistemə əsasən, 2009-cu ildən bəri Ermənistan malları Avropa İttifaqına sıfır və ya azaldılmış gömrük rüsumları ilə idxal edilirdi.
"Berlin Economics" tədqiqat mərkəzi bildirir ki, GSP+ sistemindən çıxarılması nəticəsində Ermənistanda bir sıra sahələr ziyan görəcək.
Mərkəzin hesablamalarına görə, Ermənistan Aİ-yə ixracının təxminən 20%-ni itirəcək ki, bu da təxminən 114 milyon dollar təşkil edir. Asiya İnkişaf Bankının məlumatına görə, itki 146 milyon dollardan artıq olacaq.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
