“Finoko” bank olmayan kredit təşkilatı (BOKT) 2022-ci il üzrə maliyyə vəziyyəti haqqında hesabatlarını açıqlayıb.
“APA-Economics” “Finoko”nun maliyyə hesabatlarına istinadən xəbər verir ki, ötən il təşkilatın məcmu mənfəəti 2021-ci illə müqayisədə 22.9% və ya 261 min 487 manat artaraq 1 milyon 403 min 473 manat təşkil edib. Təşkilatın 2021-ci ildə məcmu mənfəəti 1 milyon 141 min 986 manat olub.
2022-ci ildə təşkilatın müştərilərə verdiyi kreditin həcmi 2021-ci illə müqayisədə 3.6% artaraq 23 milyon 921 min 59 manata, xalis faiz gəlirləri isə 14.3% artaraq 4 milyon 157 min 628 manat təşkil edib.
“Finoko” BOKT 2022-ci ildə 61 min 882 manat mənfəət vergisi ödəyib.
Hesabat dövründə təşkilatın cəmi aktivləri 4.9% və ya 1 milyon 452.4 min artaraq 31 milyon 54 min 313 manat, öhdəliklərinin həcmi isə 2.1% və ya 434 min 656 manat artaraq 20 milyon 763 min 137 manat təşkil edib.
Ötən il “Finoko” BOKT-un cəmi kapitalı 10 milyon 291 min 176 manata bərabər olub ki, bu göstəricinin həcmi 2021-ci illə müqayisədə 11% çoxdur.
Qeyd edək ki, 2022-ci ildə təşkilata səhmdar tərəfindən 447 min 406 manat əlavə vəsait daxil edilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
