Fitch: Bu il Azərbaycan Mərkəzi Bankının valyuta ehtiyatları 10 mlrd. dolları ötəcək - EKSKLÜZİV

Fitch: Bu il Azərbaycan Mərkəzi Bankının valyuta ehtiyatları 10 mlrd. dolları ötəcək - EKSKLÜZİV
# 09 iyun 2023 15:36 (UTC +04:00)

Azərbaycan Mərkəzi Bankının valyuta ehtiyatları 2023-cü ildə 10 milyard ABŞ dollarından çox olacaq.

"APA-Economics"ə daxil olan məlumata görə, bu barədə "Fitch Solutions” beynəlxalq reytinq agentliyinin proqnozunda bildirilib.

Agentlik qeyd edib ki, Azərbaycan 2015-ci ildən xarici ehtiyatlarını artırmağa nail olub. Bununla belə, 2022-ci ilin sonunda AMB-nin ehtiyatları 9 milyard ABŞ dolları (idxal təminatının 5 aylıq dəyəri) təşkil edib ki, bu da 2014-cü ilin ən yüksək səviyyəsi olan 14,1 milyard ABŞ dollarından (8,0 aylıq idxal təminatı) aşağıdır.

"Fikrimizcə, 2023-cü ilin sonuna qədər ehtiyatlar 10,2 milyard ABŞ dollarına yüksələcək və ortamüddətli dövr üçün əlavə artımlar nəzərdə tutulur. Xarici valyuta ölkənin 2022-ci ildə ÜDM-in 29,8%-ni təşkil edən böyük cari əməliyyatlar hesabının profisiti ilə bağlı qənaətlərdən əldə ediləcək. 2023-cü ildə cari əməliyyatlar hesabının profisitinin ÜDM-in 26,9%-nə qədər azalacağını proqnozlaşdırırıq" - "Fitch Solutions” əlavə edib.

1 2 3 4 5 İDMAN XƏBƏR
#
#

ƏMƏLİYYAT İCRA OLUNUR