“Goldenpey”in maliyyə vəziyyəti bəlli olub

“Goldenpey”in maliyyə vəziyyəti bəlli olub
# 26 may 2023 10:43 (UTC +04:00)

“Goldenpey” ASC 2022-ci üzrə maliyyə hesabatlarını açıqlayıb.

APA-Economics” şirkətin maliyyə hesabatlarına istinadən xəbər verir ki, 2022-ci ildə “Goldenpey” ASC-nin xalis mənfəəti 2021-ci illə müqayisədə 52.2% artaraq 2 milyon 147.5 min manat təşkil edib. 2021-ci ildə şirkət 1 milyon 410.8 min manat xalis mənfəət əldə etmişdi.

Hesabat dövründə şirkətin gəlirləri 2021-ci illə müqayisədə 32.8% artaraq 11 milyon 115.2 min manat, əməliyyat mənfəəti isə 51.2% artaraq 2 milyon 695.1 min manat təşkil edib. Bu dövrdə şirkət 444 min 250 manat mənfəət vergisi ödəyib.

2022-ci ildə “Goldenpey” ASC-nin cəmi aktivləri 59.3% və ya 2 milyon 466.7 min manat artaraq 6 milyon 625.5 min manat, cəmi öhdəlikəri isə 18.9% və ya 319.2 min manat artaraq 2 milyon 10.4 min manat təşkil edib.

2023-cü il yanvar ayının 1-nə “Goldenpey” ASC-nin cəmi kapitalı 4 milyon 615.1 min manata bərabər olub ki, bu da əvvəlki illə müqayisədə 87% çoxdur.

#
#

ƏMƏLİYYAT İCRA OLUNUR