Gələn il Dövlət Neft Fondunun (ARDNF) səhm portfeli üzrə gəlirliyinin artacağı gözlənilir.
"APA-Economics" xəbər verir ki, bu barədə Hesablama Palatasının ARDNF-in 2023-cü il büdcə layihəsinə verdiyi rəydə bildirilib.
Məlumata görə, son onilliklərin ən yüksək inflyasiya göstəriciləri, mərkəzi bankların sərt pul siyasəti, Rusiya-Ukrayna münaqişəsi, Covid-19 virusunun yenidən yayılma təhlükəsi, qlobal iqtisadiyyatın artım sürətinin aşağı düşməsi səhm bazarlarına da öz neqativ təsirlərini göstərib. Belə ki, Fondun səhm alt portfelində cari ilin 9 ayında 17,0% zərərlilik müşahidə edilib. Növbəti ildə isə nisbətən nikbin proqnozlar gözlənilməklə təqribən bu portfel üzrə gəlirliliyin 3-4% ətrafında olması gözlənilməkdədir.
Qeyd edilib ki, cari ildə investisiya portfelinin tərkibində xüsusi çəkisi 0,2% olan "VTB" şirkətinin səhmləri üzrə zərərlilik 69,0%-ə çatıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
