İngiltərə Maliyyə Naziri Kwasi Kwartengin illik 150 min sterlinqdən çox gəliri olanlardan 45% vergi alınmasının ləğvi ilə əlaqədar geri addım atması funt sterlinqin məzənnəsinin çökməsini əngəlləyib.
“APA-Economics” “Bloomberg” agentliyinə istinadən xəbər verir ki, nazir bu gün səhər saatlarında “45%-lik verginin ləğvində irəli getməyəcəyik”-deyə açıqlama verib.
Qeyd edək ki, Kwartengin 23 sentyabrda müvafiq açıqlamasından sonra funt sterlinqin məzənnəsi ABŞ dolları ilə müqayisədə 1,0350 səviyyəsinə qədər geriləyib. Bu da, məzənnənin 1970-ci illərdən etibarən ən aşağı səviyyəsi hesab olunur. Hazırda GBP/USD məzənnəsi 1,12 səviyyəsində qərarlaşıb. Məzənnənin tarixi maksimum səviyyəsi isə 2007-ci ilin oktyabrında 2.08 səviyyə olaraq qeydə alınıb.
Cavid Əzimov
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
