2022-ci ilin yanvar-iyun aylarında Azərbaycanda əsas kapitala yönəldilən vəsait 0,7% artaraq 6 299,6 milyon manata çatıb.
"APA-Economics" xəbər verir ki, bu barədə Dövlət Statistika Komitəsi məlumat yayıb.
Son 1 ildə neft-qaz sektoruna investisiyalar 20,7 % azaldığı halda qeyri neft-qaz sektoruna investisiyalar 18,5 % artıb.
Qeyd edək ki, istifadə olunmuş vəsaitin 3 781,3 milyon manatı istehsal sahələrinə, 2 131,2 milyon manatı xidmət sahələrinə, 387,1 milyon manatı yaşayış evlərinin tikintisinə sərf olunub.
Bu ilin altı ayında investisiya qoyuluşunun 4 693,3 milyon manatını daxili vəsaitlər təşkil edib, 4 564,7 milyon manatı isə bilavasitə tikinti-quraşdırma işlərinin yerinə yetirilməsinə xərclənib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
