Maliyyə

Ana səhifə

Maliyyə

İSB məlumatların oğurlanması məsələsinə aydınlıq gətirib - EKSKLÜZİV

20 aprel 2022 14:01 (UTC +04:00)

Bu gün bəzi media qurumlarında İcbari Sığorta Bürosuna (İSB) kiberhücum edildiyi və 40 milyondan çox məlumat oğurlanması ilə bağlı xəbərlər yayılıb.

İSB-nin İcraçı Direktoru Rəşad Əhmədov "APA-Economics"ə açıqlamasında bunun qeyri-mümkün olduğunu deyib.

Onun sözlərinə görə, İSB-nin sistemində 40 milyon deyil, 1,2 milyon sığortalının məlumatı yer alıb. Bundan əlavə, Büronun elektron sistemi "Firewall"larla müdafiə olunur və haker hücumlarına dayanıqlıdır.

Qeyd edək ki, sözügedən məlumat “DarkNet” internet resurslarında yayılıb və “AngryBoy” təxəllüslü haker tərəfindən həyata keçirildiyi deyilib. Paylaşılan məlumatda dövlət qurumlarına aid sığortaolunan avtomobillərin siyahısı dərc olunub.https://www.nulled.to/topic/1396341-hacking-azerbaijan-systems-is-being-continued/