Maliyyə

Ana səhifə

Maliyyə

İnvestisiya yatırımı üçün ən əlverişli ölkələrin reytinqi açıqlanıb - TOP-10

18 sentyabr 2019 14:05 (UTC +04:00)

"U.S. News & World Report"un mütəxəssisləri investisiya yatırımı üçün ən əlverişli ölkələrin reytinqini tərtib edib.

“APA-Economics”in məlumatına görə, reytinq tərtib olunarkən mütəxəssislər ölkədəki mədəni təsir, işgüzar mühit və həyat keyfiyyəti kimi amilləri göstərən 65 fərqli parametrdən istifadə edərək 80 ölkədən 21 mindən çox insan arasında sorğu keçiriblər.

Qeyd edək ki, 2011-ci il hesabatında Dünya Bankı Qrupunun mütəxəssisləri ölkəyə investisiya yatırımı üçün 4 vacib amili müəyyənləşdirib: ölkə əhalisinin sayı, ətraf mühitin vəziyyəti, münasibətlər və qanunvericilik bazası. Bu amillər təbii sərvətləri, bazarları, texnologiyaları və brendləri nəzərə alaraq bir ölkəyə investisiya qoyuluşunda mühüm rol oynayır.

İnvestisiya yatırımı üçün ən əlverişli ölkələr:

#	Ölkə	Əhalinin sayı	ÜDM-in həcmi	ÜDM-in artım tempi, %
1	Uruqvay	3,5 mln	$56,2 mlrd	1,6
2	Səudiyyə Ərəbistanı	32,9 mln	$683,8 mlrd	2,2
3	Kosta-Rika	4,9 mln	$57,1 mlrd	2,7
4	Lüksemburq	0,6 mln	$62,4 mlrd	2,6
5	Hindistan	1,3 mlrd	$2,6 trln	7,0
6	Polşa	38 mln	$524,5 mlrd	5,1
7	Qətər	2,6 mln	$167,6 mlrd	1,4
8	Vyetnam	95,5 mln.	$223,9 mlrd	7,1
9	Sloveniya	1,2 mln	$48,8 mlrd	4,5
10	Çili	18,1 mln	$277,1 mlrd	4,0