“Kapital Bank” ASC-nin səhmdarlarının növbədənkənar ümumi yığıncağı keçirilib.
"APA-Economics" xəbər verir ki, yığıncaqda Bankın imtiyazlı səhmlərinin sahiblərinə dividend ödənilməsinə qərar verilib.
Qərara əsasən, “Kapital Bank”ın 265,85 milyon manatlıq nizamnamə kapitalının 60 milyon manatlıq hissəsini təşkil edən 4 842 615 ədəd imtiyazlı səhmin hər birinə görə onun nominal dəyərinin (12,39 manat) 15 %-i qədər – 1,8585 manat dividend ödəniləcək. Beləliklə, dividend ödənişinin ümumi məbləği 9 milyon manat təşkil edəcək.
Xatırladaq ki, “Kapital Bank” 2006-cı ildə yaradılıb. Bankın səhmlərinin 81,08 %-i daxil olduğu “PAŞA Holdinq” MMC-yə, 18,92 %-i isə digər hüquqi və fiziki şəxslərə məxsusdur.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
