“Naxçıvan Sığorta” şirkətinin Direktorlar Şurasının sədri Əsədulla İsgəndərov vəzifəsindən ayrılıb.
Bu barədə "APA-Economics" sığorta şirkətinə istinadən xəbər verir. Məlumata görə, hələlik “Naxçıvan Sığorta”nın Direktorlar Şurasına yeni sədr seçilməyib. Əsədulla İsgəndərov həmçinin "Naxçıvan Bank"ın Müşahidə Şurasının sədri olub, bu ilin yanvar ayından isə MŞ-nın üzvü kimi fəaliyyət göstərir.
Hazırda sığorta şirkətinin Direktorlar Şurası iki üzv - İsa İsayev və Elşad Abdullayevlə təmsil olunur.
Qeyd edək ki, Azərbaycanın yeganə regional sığorta şirkəti olan "Naxçıvan Sığorta" 2014-cü ildə təsis edilib. Sığorta şirkətinin səhmlərinin 100%-i "Naxçıvan Bank" ASC-yə məxsusdur.