Türkiyə Mərkəzi Bankı (TMB) lirənin məzənnəsi yüksəldilməsinə yönəlik səyləri çərçivəsində bazara son iki birbaşa müdaxiləsi zamanı 1,35 mlrd. ABŞ dolları çıxarıb.
"APA-Economics"in TMB-yə istinadən verdiyi məlumata görə, ümumilikdə, dekabr ayında bank beş valyuta müdaxiləsi həyata keçirib və ilk iki müdaxilə dekabrın 1-i və 3-ü olub. Sözügedən valyuta satışlarında TMB müvafiq olaraq 844 mln. dollar və 504 mln. dollar satıb.
Qeyd edək ki, bu müdaxilələr bankın son 7 il ərzində ilk dəfə qeydə olunan rəsmi ehtiyatlarından dollar satışı idi.
Xatırladaq ki, dekabrın əvvəlində lirənin dollara qarşı məzənnəsi iki dəfədən çox azalmışdı və 1 dollar/18 lirə səviyyəsinə qədər enmişdi. Lakin dekabrın 21-i Türkiyə Prezidenti Rəcəb Tayyib Ərdoğanın zəifləmiş milli valyutanın əhalinin üzərindəki yükünü yüngülləşdirəcək və dollarlaşmanı azaldacaq bir sıra addımları atılacağı açıqlamasından sonra Türkiyə lirəsi ABŞ dollarına qarşı 20% möhkəmlənib.
Hazırda TMB-nin məzənnəsinə görə, 1 dollar 11,4714 lirəyə ticarət olunur.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
