PAŞA Sığorta şirkəti “Yaşıl Bakı” əmlak sığortası üzrə başladığı korporativ sosial məsuliyyət çərçivəsində ağacəkmə aksiyası keçirib.
"APA-Economics" xəbər verir ki, Zirə qəsəbəsində baş tutmuş ekoloji tədbirdə “Yaşıl Bakı” sığortasını əldə etmiş PAŞA Sığorta müştəriləri və könüllü əməkdaşları tərəfindən 150-dən çox cökə, çinar və zeytun ağacları əkilib. Ağacəkmədən sonra Zirə Ekoparkda çalışan florist tərəfindən KSM -də iştirak edən şəxslərə ev şəraitində bitkilərin saxlanması və onlara qulluq qaydaları barədə məlumat verilib. Fəaliyyəti ilə nümunə olmağa davam edən PAŞA Sığorta şirkəti “Yaşıl Bakı” əmlak sığortası məhsulu ilə müştərilərinə həm əmlaklarını sığortalamağa, həm də doğma şəhərimizə ağac hədiyyə etməyə imkan yaradıb.
Qeyd edək ki, "Yaşıl Bakı" könüllü əmlak sığortası əldə edən müştərilərimiz adından məhsulun paketlərinə uyğun olaraq ağaclar əkilir.
Qeyd etmək istərdik ki, hazırda qeyri-həyat sığorta bazarının lideri olan PAŞA Sığorta şirkəti 2006-cı ildən fəaliyyət göstərir. "PAŞA Holding" qrupunun üzvü olan "PAŞA Sığorta" 300 000-ə yaxın korporativ və fərdi müştərisinə 36 növ könüllü və icbari sığorta üzrə xidmət göstərir. “S&P Global Ratings” beynəlxalq reytinq agentliyi "PAŞA Sığorta" ASC-nin emitentin uzunmüddətli kredit reytinqini və maliyyə dayanıqlılığı reytinqini "BB", reytinq üzrə proqnozu isə “Stabil” səviyyəsində təsdiqləyib. Şirkət kapitalının, sığorta yığımlarının, sığorta ödənişlərinin həcmi və digər göstəriciləri ilə sığorta bazarının lider və ən böyük sığorta şirkətlərindəndir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
