"Ziraat Bank Azərbaycan" Talassemiyalı uşaqlar üçün qanvermə aksiyası keçirib

"Ziraat Bank Azərbaycan" Talassemiyalı uşaqlar üçün qanvermə aksiyası keçirib
# 14 iyun 2022 17:55 (UTC +04:00)

Sosial yönümlü layihələrə fəaliyyətində hər zaman böyük önəm verən "Ziraat Bank Azərbaycan" bu dəfə də Talassemiyadan əziyyət çəkən uşaqlara dəstək olub.

Bankdan "APA-Economics"ə verilən məlumata görə, Azərbaycan Talassemiya Federasiyasının dəstəyi ilə Milli Hematologiya və Transfüziologiya Mərkəzinin nəzdində Mərkəzi Qan Bankının təşkilatçılığı ilə Bankın Baş Ofisində Talassemiya xəstəliyindən əziyyət çəkən uşaqlar üçün qanvermə aksiyası həyata keçirilib.
Qeyd edək ki, Bankın Korporativ Sosial Məsuliyyət proqramı çərçivəsində həyata keçirilən bu layihə 14 iyun-Ümumdünya Qan Donoru Gününə həsr edilmiş və "Qan ver-yaşat" şüarı altında həyata keçirilib. Qanvermə aksiyasında Bankın Baş ofis ve filial əməkdaşları iştirak etmişdir. Aksiya zamanı donorlarlardan toplanılan qan yoxlanılaraq talassemiyadan əziyyət çəkən uşaqların istifadəsinə təqdim ediləcək.

Məlumat üçün qeyd edək ki, "Talassemiya" dünyanın bir çox ölkəsində rast gəlinən irsi qan xəstəliyidir. Bu xəstəlikdən əziyyət çəkən uşaqlar hər ay qan köçürülməsinə ehtiyac duyurlar.

“Ziraat Bank Azərbaycan” ASC, Türkiyə Respublikasına məxsus, 158 illik tarixə malik olan “Ziraat Maliyyə Qrupu”nun tərkib hissəsidir və Azərbaycan Respublikasının Mərkəzi Bankı tərəfindən verilmiş 30.12.2014-cü il tarixli 255 nömrəli lisenziya əsasında fəaliyyət göstərir. Bank korporativ və pərakəndə bankçılıq sahəsində məhsul və xidmətlərini Bakı, Gəncə və Sumqayıt şəhərlərində yerləşən ümumi 7 filialı ilə yanaşı, rəqəmsal satış və xidmət platformaları üzərindən də müştərilərə təqdim edir.

Bankın təqdim etdiyi məhsul və xidmətlər haqqında daha ətraflı məlumatı, Bankın Facebook, Instagram, Twitter, Linkedin, Youtube sosial media hesablarından və ya *9229 qısa nömrəsinə zəng edərək əldə edə bilərsiniz.

#
#

ƏMƏLİYYAT İCRA OLUNUR