ABŞ-da 30 illik ipoteka üzrə orta illik faiz dərəcəsi 2,81%-ə endirilib. Halbuki bir həftə öncə bu göstərici 2,78% səviyyəsində idi.
"APA-Economics"in məlumatına görə, bu barədə dövlət ipoteka korporasiyası olan "Freddie Mac"ın açıqlamasında deyilir.
Məlumata əsasən, bu, statistikanın aparılmasının başlanmasından (1971-ci il) etibarən ən aşağı göstəricidir. Bir il əvvəl bu göstərici 3,69%-ə bərabər idi.
Qeyd edək ki, hazırda ABŞ-da 15 il müddətinə ipoteka krediti orta hesabla illik 2,32%, 5 il müddətinə isə 2,89% ilə verilir.
Faiz dərəcələrində mümkün komissiya və digər ödənişlər nəzərə alınmır. "Freddie Mac" ABŞ-ın 80 ipoteka şirkətinin məlumatlarına əsasən orta dərəcələri hesablayır.
Ötən il ABŞ-da 30 il müddətinə ipoteka üzrə orta illik faiz dərəcəsi 3,9%, 2018-ci ildə isə 4,54% səviyyəsində olub.