AMB sədri: "Müəyyən bankların bağlanması problemli kreditlərin payını azaldıb"

AMB sədri: "Müəyyən bankların bağlanması problemli kreditlərin payını azaldıb"
  • Clock-gray 15:46
  • calendar-gray 29 Yanvar 2021

Problemli kreditlərin son 6 ilin minimumuna enməsi "Atabank", "NBCBank", "Əmrahbank" və "AGBank"ın bağlanması və ümumi stabilliyin artması ilə bağlıdır.

Bu barədə faiz dəhlizinin parametrlərinə dair onlayn mətbuat konfransında "APA-Economics"in sualını cavablandıran Azərbaycan Mərkəzi Bankının (AMB) sədri Elman Rüstəmov deyib.

Onun sözlərinə görə, sözügedən banklarda problemli kreditlərin yüksək konsentrasiyası sektor üzrə orta göstəriciyə pis təsir edirdi: "Digər tərəfdən, bizim daha bədbin proqnozlarımıza rəğmən bank sektorunun portfeli ilin axırına daha sağlam qaldı".

Qeyd edək ki, yanvar ayının 1-nə ölkədə problemli kreditlərin ümumi kredit portfelindəki payı 6,15% təşkil edib. Bu göstərici 2015-ci ilin aprel ayından bəri (6,1%) ən aşağı göstəricidir.

Mirsəid İbrahimzadə

Digər xəbərlər