ARDNF ötən ay valyuta satışını 11,6% azaldıb, yanvar-noyabrda 16,8% artırıb

ARDNF ötən ay valyuta satışını 11,6% azaldıb, yanvar-noyabrda 16,8% artırıb
  • Clock-gray 11:11
  • calendar-gray 01 Dekabr 2020

Azərbaycan Respublikası Dövlət Neft Fondu (ARDNF) tərəfindən valyuta hərraclarında 2020-ci ilin noyabr ayı ərzində 495,5 mln. ABŞ dolları məbləğində vəsait satılıb.

"APA-Economics" bu barədə Dövlət Neft Fonduna istinadən xəbər verir.

Məlumata əsasən, noyabrda valyuta satışında oktyabr ayı ilə müqayisədə 11,6% azalma qeydə alınıb. Belə ki, 2020-ci ilin okyabrında ARDNF tərəfindən 560,3 mln. dollar məbləğində vəsait satılıb. Ötən ilin noyabr ayı ilə müqayisədə isə bu göstərici 8,2% azalıb.

Bundan başqa, bu ilin yanvar-noyabr aylarında ARDNF tərəfindən 6 665,9 mln. dollar məbləğində vəsait satılıb ki, bu da illik ifadədə 16,8% çoxdur.

APA-Economics

Digər xəbərlər