AYİB: Rusiya ÜDM-i bu il 4,5% azalacaq, inflyasiya 3,2% təşkil edəcək - PROQNOZ

AYİB: Rusiya ÜDM-i bu il 4,5% azalacaq, inflyasiya 3,2% təşkil edəcək - PROQNOZ
  • Clock-gray 11:43
  • calendar-gray 13 Noyabr 2020

Avropa Yenidənqurma və İnkişaf Bankı (AYİB) bu il Rusiya iqtisadiyyatının 4,5% azalacağını proqnozlaşdırır.

"APA-Economics"in AYİB-in ölkə üzrə hesabatına istinadən verdiyi məlumata görə, Rusiyada bu il ortaillik inflyasiyanın 3,2% təşkil edəcəyi gözlənilir. 2020-ci ildə Rusiya dövlət büdcəsinin kəsirinin ÜDM-ə nisbətinin 3,5%-ə bərabər olacağını gözləyən bank, tədiyə balansının cari əməliyyatlar hesabının profisitdə qalacağını güman edir və ÜDM-in 1,2%-ni təşkil edəcəyini gözləyir.

Qeyd edək ki, 2019-cu ildə Rusiyada iqtisadi artım 1,3%, inflyasiya isə 4,5% təşkil edib. Ötən il dövlət büdcəsinin profisitinin ÜDM-ə nisbəti 1,9%-ə bərabər olduğu halda, cari əməliyyatlar hesabının profisitinin ÜDM-ə nisbəti 3,8% təşkil edib.

Mirsəid İbrahimzadə

Digər xəbərlər