Avropa Yenidənqurma və İnkişaf Bankının (AYİB) İdarə Heyəti tərəfindən fransalı Odile Reno-Basso (Odile Renaud-Basso) bankın növbəti prezidenti vəzifəsinə seçilib.
"APA-Economics"in AYİB-ə istinadən verdiyi məlumata görə, hazırda Fransa Xəzinəsinin Baş direktoru vəzifəsini icra edən xanım Reno-Baso iki tam dördillik müddətini bitirdikdən sonra iyul ayında vəzifəsindən ayrılan Suma Çakrabartini əvəz edib.
Seçki bu gün AYİB-in pandemiya səbəbindən may ayında təxirə salınmış virtual iclasında keçirilib. Reno-Baso vəzifəsinin icrasına cari ilin sonuna başlayacaq.