Almaniya 2021-ci ildə pandemiyaya görə əlavə 96 mlrd. avro borc alacaq

Almaniya 2021-ci ildə pandemiyaya görə əlavə 96 mlrd. avro borc alacaq
  • Clock-gray 17:50
  • calendar-gray 23 Sentyabr 2020

Almaniya 2021-ci ildə koronavirus pandemiyası ilə əlaqədar əlavə olaraq 96 mlrd. avro borc alacaq.

"APA-Economics"in RİA "Novosti"yə istinadən verdiyi məlumata görə, bunu jurnalistlərə Almaniyanın Maliyyə naziri, vitse-kansler Olaf Şolts (Olaf Scholz) deyib.

"Gələn il də son dərəcə böyük bir büdcəmiz olacaq və təxminən 100 mlrd. avro dəyərində əlavə kreditlər cəlb edəcəyik, daha doğrusu – 96 mlrd. avrodan bir qədər çox", - deyə nazir bildirib.

O əlavə edib ki, cəlb olunacaq vəsaitlər ölkədə vəziyyətin sabitləşməsinə yönələcək: "Bu, daha öncə başlanan tədbirlərə dəstəyin davam etməsi baxımından da vacibdir".

Şolts büdcədəki əlavə vəsaitlərin 2020-ci ildə Almaniya iqtisadiyyatına və vətəndaşlarına dəstək verməyə başlayan proqramların, xüsusən iş yerlərinin qorunması üçün müəssisənin daha qısa bir iş gününə keçid proqramının dəstəklənməsi üçün istifadə olunacağını da açıqlayıb.

APA-Economics

Digər xəbərlər