Azərbaycan Respublikası Auditorlar Palatası Şurasının video-konfrans formatında növbəti iclası keçirilib.
Palatadan “APA-Economics”ə verilən məlumata görə, Şura üzvlərinin və Palatanın Şurası yanında Komitə sədrlərinin iştirak etdiyi video-konfransda bir sıra məsələ müzakirə edilib və müvafiq qərarlar qəbul olunub.
Belə ki, iclasda Auditorlar Palatasında auditor təşkilatlarının, sərbəst auditorların və onların sifarişçilərinin kommersiya sirri təşkil edən, həmçinin xüsusi məlumatlarının məxfi saxlanılması barədə, bir sıra auditor təşkilatları və sərbəst auditorların apardıqları auditlərin keyfiyyətinin plandankənar monitorinqinin həyata keçirilməsi barədə, Palatanın üzvlərinin hüquq və vəzifələri haqqında Əsasnaməyə dəyişikliklər edilməsi barədə, ölkə ərazisində auditor fəaliyyəti ilə məşğul olmaq üçün icazələrin qüvvədəolma müddətinin başa çatması ilə əlaqədar keçiriləcək imtahan barədə məsələlər müzakirə olunub.
Bundan başqa, “Cinayət yolu ilə əldə edilmiş pul vəsaitlərinin və ya digər əmlakın leqallaşdırılmasına və terrorçuluğun maliyyələşdirilməsinə qarşı mübarizə haqqında qanunvericiliyə auditorlar tərəfindən riayət edilməsinin monitorinqinə dair təlimat”ın layihəsinin müzakirəsi aparılıb və Auditorlar Palatasının Şurası yanında Keyfiyyətə nəzarət üzrə komitənin üzvlərinin və müfəttişlərinin tərkibində dəyişiklik edilməsi məsələsinə baxılıb. Bununla yanaşı, auditor xidmətinin keyfiyyətinə kənar nəzarət üzrə Qaydalara dəyişikliklər edilməsi barədə də qərar qəbul olunub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
