"AzerGold" ixrac gəlirlərini yanvarda 5%-dən çox artırıb

"AzerGold" ixrac gəlirlərini yanvarda 5%-dən çox artırıb
  • Clock-gray 13:24
  • calendar-gray 01 Mart 2021

"AzerGold" QSC 2021-ci ilin yanvar ayı ərzində 9,9 mln. ABŞ dolları dəyərində məhsul ixrac edib ki, bu da keçən ilin müvafiq dövrü ilə müqayisədə 5,3% çoxdur.

İqtisadi İslahatların Təhlili və Kommunikasiya Mərkəzindən "APA-Economics"ə verilən məlumata görə, aylıq müqayisədə isə (2020-ci ilin dekabr ayı ilə) şirkətin ixracı dəyişməz olaraq qalıb.

"AzerGold" QSC Azərbaycan Respublikasının Prezidenti İlham Əliyevin 11 fevral 2015-ci il tarixli 1 047 nömrəli Sərəncamına əsasən təsis edilib.

QSC ölkə ərazisində əlvan və qara metal filizi yataqlarının öyrənilməsi, tədqiqi, kəşfiyyatı, idarə olunması, bu metalların hasilatı, emalı və satışı, bu sahədə yeni texnologiyaların tətbiqi, maddi-texniki bazanın müasirləşdirilməsi və ondan səmərəli istifadə, habelə bu sahənin inkişafı ilə bağlı digər işləri yerinə yetirir.

Mirsəid İbrahimzadə

Digər xəbərlər