Azərbaycan əhalisi ötən ay əczaçılıq məhsulları və tibbi ləvazimatlara 111 mln. manat xərcləyib

Azərbaycan əhalisi ötən ay əczaçılıq məhsulları və tibbi ləvazimatlara 111 mln. manat xərcləyib
# 11 dekabr 2020 12:56 (UTC +04:00)

Bu ilin yanvar-noyabr aylarında istehlakçılar Azərbaycanın pərakəndə ticarət şəbəkəsində əczaçılıq məhsulları və tibbi ləvazimatları 644,7 mln. manat xərcləyib.

Dövlət Statistika Komitəsindən "APA-Economics"ə verilən məlumata görə, bu rəqəm əvvəlki ilin analoji dövrü ilə müqayisədə 41,9% və ya 193,3 mln. manat artıb. Təkcə noyabr ayında əhaliyə 111,4 mln. manatlıq əczaçılıq məhsulları və tibbi ləvazimatlar satılıb ki, bu da oktyabr ayı ilə müqayisədə 2 dəfə çoxdur. Artım ölkədə müşahidə edilən koronavirus pandemiyası ilə əlaqədardır.

Qeyd edək ki, hesabat dövründə istehlakçıların pərakəndə ticarət şəbəkəsində xərclədiyi vəsaitin 1,8%-i əczaçılıq məhsulları və tibbi ləvazimatların alınmasına sərf olunub. Bu ötən ilin eyni dövrü ilə müqayisədə 0,5 faiz bəndi çoxdur.

#
#

ƏMƏLİYYAT İCRA OLUNUR