Bu ilin oktyabr ayında Azərbaycandakı banklar tərəfindən əhaliyə satılan nağd ABŞ dolları kütləsinin həcmi 204,196 mln. dollar təşkil edib ki, bu da 2019-cu ilin eyni ayına nisbətən 74,416 mln. dollar və ya 19,1% azdır.
"APA-Economics"in Azərbaycan Mərkəzi Bankının dərc etdiyi göstəricilər əsasında apardığı hesablamalara görə, bu ilin sentyabr ayı ilə müqayisədə isə oktyabrda ölkə əhalisi dollar alışını 31,543 mln. dollar və ya 18,3% artırıb.
Bu ilin yanvar-oktyabr ayında ölkə əhalisi 3,004 mlrd. dollar alıb ki, bu da 2019-cu ilin müvafiq dövrü ilə müqayisədə 43,7% çoxdur.
Bundan başqa, bu ilin oktyabr ayında ölkə əhalisinin banklara satdığı nağd dollar kütləsinin ümumi həcmi 86,253 mln. dollar təşkil edib ki, bu da 2019-cu ilin müvafiq ayına nisbətən 63,868 mln. dollar və ya 42,5% azdır, bu ilin sentyabr ayı ilə müqayisədə isə 32,761 mln. dollar və ya 27,5% azdır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
