2020-ci ilin yanvar-noyabr ayları ərzində Azərbaycanın Belarus ilə apardığı ticarət mübadiləsinin həcmi 262,195 mln. dollar təşkil edib ki, bu da ötən ilin eyni dövrü ilə müqayisədə 49,8% çoxdur.
"APA-Economics"in Dövlət Gömrük Komitəsinin hesabatı əsasında apardığı hesablamalara görə, 2020-ci ilin ilk on bir ayında Azərbaycandan Belarusa ixracın həcmi 162,833 dollar təşkil edib ki, bu da illik müqayisədə 143,792 mln. dollar və ya 8,6 dəfə çoxdur.
İdxalın həcmi isə 99,362 mln. dollara bərabər olub ki, bu göstərici 2019-cu ilin eyni dövrü ilə müqayisədə 56,665 mln. dollar və ya 36,3% azalıb.
Nəticədə, hesabat dövründə 63,471 mln. dollarlıq müsbət saldo yaranıb ki, 2019-cu ilin eyni dövründə saldo mənfi idi və 136,986 mln. dollara bərabər idi.
