Bu ilin noyabr ayında xarici vətəndaşların bank kartları vasitəsi ilə Azərbaycanda apardıqları əməliyyatların həcmi 23,2 mln. manat təşkil edib.
İqtisadi İslahatların Təhlili və Kommunikasiya Mərkəzindən “APA-Economics”ə verilən məlumata görə, ötən ilin müvafiq dövrü ilə müqayisədə bu göstərici 74,3% azalıb.
2020-ci ilin yanvar-noyabr aylarında isə əcnəbilər bank kartları vasitəsi ilə 402,3 mln. manatlıq əməliyyat aparıb ki, bu da ötən ilin 11 ayının göstəricisindən 65,4% azdır.
Azalmaya səbəb, koronavirus pandemiyası ilə bağlı yaranan vəziyyət qeyd olunur ki, bu da ölkədə turizm sektoruna təsirsiz ötüşməyib.