Azərbaycanda e-ticarətin həcmi fevralda kəskin artıb

Azərbaycanda e-ticarətin həcmi fevralda kəskin artıb
  • Clock-gray 12:10
  • calendar-gray 01 Aprel 2020

Bu ilin fevral ayı ərzində Azərbaycanda 276 mln. manat həcmində elektron ticarət (e-ticarət) əməliyyatı həyata keçirilib.

"APA-Economics"in Azərbaycan Mərkəzi Bankına (AMB) istinadən verdiyi xəbərə görə, ölkə daxilində elektron ticarət əməliyyatların həcmi yanvar ayı ilə müqayisədə 6,6% artıb. 2019-cu ilin fevral ayı ilə müqayisədə isə elektron ticarətin həcmində 56,8% artım qeydə alınıb.

Hesabata əsasən, fevral ayı ərzində həyata keçirilən elektron ticarət əməliyyatlarının 241 mln. manatı debet kartları, 35 mln. manatı isə kredit kartları ilə həyata keçirilib.

Qeyd edək ki, ümumilikdə yanvar-fevral ayları ərzində ölkə daxilində elektron ticarətin həcmi 535 mln. manat təşkil edib. Bu göstərici də ötən ilin eyni dövrü ilə müqayisədə 56,4% artım deməkdir.

Nərmin Rəhimova

Digər xəbərlər