Qarşıdakı ildə Azərbaycanda büdcə daxilolmalarının 45,8%-ni qeyri-neft sektoru üzrə daxilolmaların təşkil edəcəyi proqnozlaşdırılır.
APA-nın məlumatına görə, qeyri-neft sektoru üzrə dövlət büdcəsinin gəlirlərinin 48,7%-i və ya 5 674,0 mln. manatını vergi orqanlarının xətti ilə daxilolmalar təşkil edəcək. 2021-ci il üçün büdcə-vergi siyasətinin prioritet istiqamətləri ilə bağlı təhlilin nəticələrinə görə, büdcə daxilolmaların 33,5%-ni və ya 3 900,0 mln. manatını gömrük orqanlarının xətti ilə daxilolmaların payına düşəcəyi gözlənilir.
Dövlət borcu və zəmanəti üzrə öhdəliklərin Təminat Fondundan transferti 7,6% və ya 880 mln. manat olacağı ehtimal olunur.
Mərkəzi Bankın mənfəətindən ayırmaların payı 2,1% və ya 250 mln. manat, 8,1% və ya 947 mln. manat isə digər gəlirlər təşkil edəcəyi proqnozlaşdırılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
