Bu ilin yanvar ayında Azərbaycanda minik avtomobillərinin qiymətləri ötən ilin eyni dövrü ilə müqayisədə 2,7% azalıb.
“APA-Economics”in Dövlət Statistika Komitəsinin açıqladığı istehlak qiymətləri indeksinə istinadən verdiyi xəbərə görə, ay ərzində isə minik avtomobillərinin qiyməti sabit qalıb.
Bununla belə, minik avtomobillərinin ehtiyat hissələri hesabat ayı ərzində 0,2%, illik müqayisədə isə 0,7% bahalaşıb.
Qeyd edək ki, ötən ilin yanvar ayında avtomobil qiymətlərində ucuzlaşma illik 0,5% təşkil etmişdi.
Rəsmi statistikaya əsasən, bu ilin yanvar ayında velosipedlərin qiymətlərində illik 3% artım müşahidə olunub. 2019-cu ildə isə bu məhsul üzrə bahalaşma 1,7% olub. Təkcə yanvar ayı ərzində isə velosipedlərin qiyməti 0,2% artıb.