Azərbaycanda mobil rabitə sektorunun gəlirləri ötən il 5% artıb

Azərbaycanda mobil rabitə sektorunun gəlirləri ötən il 5% artıb
  • Clock-gray 14:50
  • calendar-gray 14 Yanvar 2020

Ötən il ərzində Azərbaycanda mobil rabitə xidmətlərindən əldə olunan gəlirlərin həcmi 912,2 mln. manat təşkil edib.

Bu barədə "APA-Economics"ə Dövlət Statistika Komitəsindən bildirilib.

Hesabat ilin dövründə ölkə üzrə mobil rabitə xidmətlərindən əldə olunan gəlirlərin həcmi 2018-ci illə müqayisədə 5% artıb.

Mobil rabitə sektorunun gəlirləri ümumi telekommunikasiya bazarının gəlirlərinin 41,5%-ni təşkil edib.

Komitədən həmçinin bildirilib ki, ötən il ərzində informasiya və rabitə müəssisələri tərəfindən 2197,9 mln. manatlıq xidmət göstərilib. Xidmətlərin 72,8%-i əhali tərəfindən istehlak olunub. 2018-ci illə müqayisədə 2019-cu ildə informasiya və rabitə xidmətlərin dəyəri real ifadədə 15,9% artıb. Bu sahədə əldə olunan gəlirin 82,4%-i qeyri-dövlət sektorunun payına düşüb.

Hüseyn Vəliyev

Digər xəbərlər