Azərbaycanın 2021-ci il dövlət büdcəsi layihəsi parlamentdə birinci oxunuşda qəbul edilib

Azərbaycanın 2021-ci il dövlət büdcəsi layihəsi parlamentdə birinci oxunuşda qəbul edilib
  • Clock-gray 16:37
  • calendar-gray 25 Dekabr 2020

Milli Məclisin bu gün keçirilən iclasında 2021-ci il dövlət və icmal büdcənin layihələri müzakirəyə çıxarılaraq birinci oxunuşda qəbul edilib.

APA-nın məlumatına görə, büdcənin təqdimatından sonra müzakirələr olub.

Müzakirələrdən sonra 2021-ci il dövlət və icmal büdcənin layihələri səsverməyə qoyularaq qəbul edilib.

2021-ci il dövlət büdcəsinin gəlirləri 25 427,0 mln. manat nəzərdə tutulur ki, bu da ÜDM-in 33,6%-i həcmində olmaqla, 2020-ci ilin proqnozu ilə müqayisədə 1 303,0 mln. manat və yaxud 5,4%, 2019-cu ilin icra göstəriciləri ilə müqayisədə 1 208,9 mln. manat və yaxud 5% çoxdur.

2021-ci il dövlət büdcəsinin xərcləri 28 543,0 mln. manat (ÜDM-də xüsusi çəkisi 37,7%) proqnozlaşdırılır ki, bu da 2020-ci ilə nisbətən 1 050,8 mln. manat və ya 3,8%, 2019-cu ilin icra göstəriciləri ilə müqayisədə isə 4 117,1 mln. manat və ya 16,9% çoxdur.

Ramiz Mikayıloğlu

Digər xəbərlər