2021-ci ilin yanvar ayında Azərbaycanın Avropa İttifaqı (Aİ) ölkələri ilə apardığı ticarət dövriyyəsinin həcmi 1,172 mlrd. ABŞ dolları təşkil edib ki, bu da 2020-ci ilin yanvar ayı ilə müqayisədə 30,9% azdır.
"APA-Economics"in Dövlət Gömrük Komitəsinin dərc etdiyi göstəricilər əsasında apardığı hesablamalarına görə, yanvar ayında Aİ-yə ixrac 991,711 mln. dollar, idxal isə 180,355 mln. dollara bərabər olub. Bu ötən ilin yanvar ayı ilə müqayisədə, müvafiq olaraq 35,6% az və 15,7% çoxdur.
Beləliklə, cari ilin yanvar ayında 811,356 mln. dollarlıq müsbət ticarət saldo yaranıb ki, bu göstərici 2020-ci ilin analoji ayı ilə müqayisədə 41,4% azalıb.
Qeyd edək ki, 2020-ci ildə Azərbaycanın Avropa İttifaqı (Aİ) ölkələri ilə apardığı ticarət dövriyyəsinin həcmi 9,332 mlrd. ABŞ dolları təşkil edib ki, bu da 2019-cu illə müqayisədə 27,8% azdır. Ötən il 4,269 mlrd. dollarlıq müsbət ticarət saldo olub ki, bu da illik müqayisədə 47,1% azdır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
