Azərbaycanın ÜDM-i 3,2% azalıb

Azərbaycanın ÜDM-i 3,2% azalıb
  • Clock-gray 12:07
  • calendar-gray 11 Mart 2021

2021-ci ilin yanvar-fevral aylarında Azərbaycan 12 019,0 mln. manatlıq və ya əvvəlki ilin eyni dövrü ilə müqayisədə 3,2% az ÜDM istehsal olunub.

APA-Economics”in məlumatına görə, bu barədə Dövlət Statistika Komitəsinin açıqlamasında deyilir.

İqtisadiyyatın neft-qaz sektorunda əlavə dəyər 7,5%, qeyri neft-qaz sektorunda isə 0,4% azalıb.

ÜDM istehsalının 41,2%-i sənaye, 10,7%-i ticarət; nəqliyyat vasitələrinin təmiri, 8,1%-i nəqliyyat və anbar təsərrüfatı, 4,7%-i tikinti, 3,1%-i kənd təsərrüfatı, meşə təsərrüfatı və balıqçılıq, 2%-i informasiya və rabitə, 0,7%-i turistlərin yerləşdirilməsi və ictimai iaşə sahələrinin, 19,9%-i digər sahələrin payına düşmüş, məhsula və idxala xalis vergilər ÜDM-in 9,6%-ni təşkil edib.

Əhalinin hər nəfərinə düşən ÜDM 1 201,6 manata bərabər olub.

Mirsəid İbrahimzadə

Digər xəbərlər