Bu ilin iyul-sentyabr Böyük Britaniyada işsizlik səviyyəsi iyun-avqust aylarındakı 4,5%-dən 4,8%-ə yüksəlib.
“APA-Economics”in “Reuters”ə istinadən verdiyi məlumata görə, bu barədə Böyük Britaniyanın Milli Statistika Bürosunun açıqlamasında deyilir.
Qeyd olunur ki, bir il əvvəl ölkədə işsizlik 3,9% səviyyəsində idi.
Eyni zamanda, iyul-sentyabr aylarında Böyük Britaniyada 16 yaşdan yuxarı işsizlərin sayı iyun-avqust ayları ilə müqayisədə 243 min, ötən ilin eyni dövrü ilə müqayisədə isə 318 min artaraq 1,624 mln. nəfərə çatıb.
İyul-sentyabr aylarında 16 yaşdan yuxarı işləyən britaniyalıların sayı illik nisbətdə 247 min azalıb və 32,507 mln. nəfər və ya işləyən əhalinin 75,3%-ni təşkil edib.
Ölkədəki orta real həftəlik əməkhaqqı bonuslar nəzərə alınmaqla illik ifadədə 1,3%, bonuslar istisna isə 1,9% artıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
