İyulun 23-də Çuvaş Respublikasının İxraca Dəstək Mərkəzində (İDM) çuvaş sahibkarların və Azərbaycandan olan potensial alıcıların ilk vebinarı keçirilib.
"APA-Economics"in Rusiya mətbuatına istinadən verdiyi məlumata görə, görüşdə Rusiyanın Azərbaycandakı Ticarət Nümayəndəsi Ruslan Mirsayapov və Rusiyanın Azərbaycandakı İxrac Mərkəzinin məsləhətçisi Nikolay Bondov iştirak edib.
Çuvaş tərəfindən altı çuvaş şirkəti - elektrik avadanlıqları və qapı istehsalçıları yeni əlaqələrin qurulmasına maraq göstərib. Həmçinin, vebinarda "Delovaya Rossiya " və "Opora Rossii" ictimai təşkilatların nümayəndələri iştirak ediblər. Vebinarın moderatoru İDM-nin rəhbəri Aleksandr Maslov olub.
Qeyd edək ki, mərkəz xarici tərəfdaşlarla virtual danışıqları davam etdirməyi planlaşdırır.